الأسئلة الشائعة

لأن قطعتك ما تنصنع إلا بعد طلبك. بهالطريقة ما نخزّن ولا نرمي، وكل قطعة تطلع جديدة لك.

لا. السدو نسيج تصنعه المرأة على النول، وقطعنا تطريز آلي مستوحى من نقوشه: رمز واحد في تصميم رسمناه بأنفسنا على كل قطعة. عشان كذا نكتب على كل قطعة «تطريز آلي مستوحى من السدو».

من مصادر مكتوبة عن السدو، ونذكرها تحت كل معنى وفي صفحة رموز السدو. المعاني تختلف من نسّاجة لنسّاجة، فنكتب «يُقال إن»، وإذا ما لقينا معنى في المصادر نكتب قراءتنا ونقول إنها «قراءتنا».

يطرّزها آليًا شريك إنتاج متخصص في التطريز، في أحد مصانعه حول العالم، ثم تُشحن لك مباشرة.

قد تُحصّل شركة الشحن ضريبة القيمة المضافة أو رسوم التخليص عند التسليم حسب أنظمة بلدك. هذي رسوم حكومية أو رسوم لشركة الشحن، مو من سدو.

المقاس مطابق للمعتاد، فخذ مقاسك المعتاد. وللتأكد قِس عرض الصدر في قطعة تحبها وهي مفرودة، وقارنه بدليل المقاسات.

الصور من شريك الإنتاج نفسه، مصنوعة من ملفات القطعة الحقيقية. والقطع المصبوغة يختلف لونها شوي من قطعة لقطعة، وهذا من طبيعتها.

على بارد ومقلوبة، بدون مبيّض، ونشّفها بالهوا، ولا تكوي فوق التطريز. والقبعات تنظّفها باليد. طريقة العناية لكل قطعة في صفحتها.

إيه، خلال ساعتين من الطلب قبل ما يبدأ صنعه. راسلنا على sadu@miniblank.com.

كل قطعة تنصنع لك بعد طلبك، فما نقبل الإرجاع أو الاستبدال بسبب المقاس أو اللون أو تغيّر الرأي. لكن إذا وصلتك القطعة تالفة أو فيها عيب أو غلط في التطريز، أو وصلتك قطعة غير اللي طلبتها، أو ضاعت الشحنة، نرسل لك بديلًا مجانًا أو نرجّع لك المبلغ. راسلنا خلال ١٤ يوم من الاستلام مع صورة واضحة. التفاصيل في سياسة الاستبدال والاسترداد.

فيزا، وماستركارد، وApple Pay، وPayPal. وبطاقات مدى اللي عليها شعار فيزا أو ماستركارد تنقبل مثل أي بطاقة فيزا أو ماستركارد.

إلى المملكة العربية السعودية، والإمارات، والكويت، وقطر، والبحرين، وعُمان، والشحن مجاني.

لا. أسعارنا ثابتة، ونشتغل بالمواسم: مجموعة مع كل موسم، وأول من يعرف هم المشتركين في رسائلنا.

القطعة من مجموعة جاية. تقدر تشوفها الحين، وتنطلب من تاريخ فتح مجموعتها، الساعة ١٢ منتصف الليل بتوقيت الرياض. سجّل إيميلك تحت الزر ونبلغك يوم تفتح.

السدو نسيج نساء البادية، ومن أسماء النول عندنا. وأصل الكلمة مدّ اليد لشي وخطوة الجمل، ومنها السدى، خيط النول. واسمنا «سدو» بلا «ال».